Tula
April 17, 2024
SLEEPER CELL
Dumakò sa gubat ng sarili.
Bagamá’t sangá-sangá ang trapik ng isip.
Damhín ang ihip sa kubikong silíd
Bilang simoy sa bukana ng kamalig.
Pikít ang matá, pag-iralin ang balahibo.
Gawíng totoó ang paá, tadyáng, balikat, noó.
Dinggín ang mga ringtone, busina at mura;
Kasabáy ng lagaslás ng umiibig na batis.
Bilangin ang bawat nadarama, nadiriníg.
At sakâ idilat ang matá sa detalye ng sandata.
–Jose Jason Chancoco
Abril 17, 2024